Quarta-feira, 31 de Outubro de 2007

A FEIRA DOS BURROS - SENDIM

LA  FEIRA  DE  LS  BURROS - SENDIN

 

LA  FEIRA  DE  LS  BURROS

Era assi que se chamaba la feira del die 30, ls grazes era mais la feira de Mogadouro.

Sendin siempre tube la tradiçon de ser la tierra del trabalho i era na feira de Sendin que se cumprában ls burros i las mulas para las lides del campo, an todo l praino.

 

            

Inda hai buonos eisemplares

Tener un bun burro ou ua burra mansa era l que todos querien. Mas l percipal era tener ua buona junta de mulas para trabalhar.

I na feira d’onte nun faltórun las burras,  las mulas i até cabalhos. Este anho parcie ua feira d’antigamente.

 

           

Mulas bien tratadas      

       

          

Ls cabalhos

 

Mas nun cuideis que nun se fazie negócio, ls ciganos alhá stában cumo siempre. Yá nun hai tanta necidade dels animales, mas siempre hai quien ls queira para fazer pequeinhos trabalhos ou para stimaçon.

 

           

Ls ciganos nel sou negócio

 

Muita gente se arrumou a ber, uns por curgidade i outros para cumprar i habie buonos animales i bien stimados.

 

            

Dezi a ber se nun son pimpones

 

Outra cousa que nun faltou nesta feira fui la barraca de comes i bebes onde se comie la puosta cumo dantes. L bun bino tamien nun faltaba.

 

            

La tie de malhadas a porparar las cousas para l almuorço

 

sinto-me:
música: roberto leal
publicado por mirandum às 20:55
link do post | comentar | favorito
Domingo, 14 de Outubro de 2007

A SEMENTEIRA

LA  SEMENTEIRA

 

Acabou la bendimia i todo mundo bai a sembrar.

Cumo l pan yá dá, toca de mudar l trabalho. I agora yá parece cumo dantes, la giente a sembrar, solo que an beç de ser cun mulas i bacas ye cun tratores.

 

 

Este sembra e acubre al mesmo tiempo

Antes sembraba-se cun las manos hoije ye cul sembrador.

 

 

Aende teneis un a sembrar cul sembrador

Para ls que cuídan que nun ye berdade que yá se sembra  muito, ende teneis la proba.

 

 

Inda ye un campo bien grande i cerca de Sendin

 

 

Este ye ne ls campos

 

I agora, ls tardiegos de la sementerira tomai sentido ne l die de San Simon que ye die 27:

L die de San Simon,

Alhebanta tou timon,

De la Sementeira,

Que de la relba non!...

sinto-me: calmo
música: chin - glin - din
publicado por mirandum às 23:55
link do post | comentar | favorito
Quarta-feira, 10 de Outubro de 2007

O TEMPO

L TIEMPO

Ua de las cousas que mais ten feito pensar la giente ye cumo se adbina l tiempo que bai a fazer. L tiempo siempre fui mui amportante para la nuossa region. Para las lidas de l campo.

Saber quando chube, quando faç sol, quando gela, quando neba…

Habie siempre un antendido que sabie mais ou menos.

Habie las  «cabanholas» que éran ua forma de ls mirandeses miráren l tiempo que fazie zde l die 13 de Dezembre até l die 24 i apuis de l die 26 al die 6 de Janeiro. L die 13 ye Janeiro i assi até l die 24 que ye Dezembre i apuis al para trás, 26 ye Dezembre i 27 Nobembre, até l die 6 que ye Janeiro, l die 25 nun cuonta. Cunsante stubisse l die assi serie l més de l anho. Mas ten que se mirar ls dies para lantre i para trás i cuntar culs dous.

Habie l reportório, mas hoije yá hai cousas mais siguras.

 

           

L reportório ( inda se bende )

 

Hoije ls sateletes yá móstran todo l mobimento de la tierra i de las nuobes i sabe-se l tiempo que bai a fazer.

Andaba a bendimar para ls lhados de Atanor i bi l castielho de Algoso, alhá lonje i lhembrou-me de que alhi ye un punto de onde ls sateletes móstran l tiempo que faç.

 

            

L Castilho de Algoso

 

Cumo cuido que muitos nun sáben desso antendo que ye ua buona nuoba para bós.

Se quereis saber l tiempo que bai a fazer an qualquiera tierra de l mundo, drento de dieç dies,  ye solo ir a la anternete  al site  http://br.weather.com/weather/local/POXX0041 i yá ancuntrais todo.

sinto-me:
música: soprar do vento
tags:
publicado por mirandum às 21:32
link do post | comentar | favorito
Domingo, 7 de Outubro de 2007

COMEÇOU A CAÇA NO PLANALTO MIRANDÊS

AMPEÇOU  LA  CAÇA  NAL  PRAINO

Yá parou de chuber, mas la giente nun pára.

Trasdonte ampeçou la caça i alhá fui a ber ls caçadores.

 

           

Alhá ban dous culs sous perros

 

Mas cumo nun querie ir atrás deilhes, bolbi pal carro i dei-me cuonta de l cerrado alhi cerquita. Staba un rapaç a meter alhá las bacas.

           

Nun son bien pimponas las bacas mirandesas?

 

Benie yá para casa i bi un a sembrar. Ye tiempo i ténen que se aporbeitar ls dies buonos.

           

Nin se dou cuonta que l tirei l retrato

 

Al chegar a la Dega an Sendin inda quedei mais  ademirado cun la filada de tratores cun ubas.

 

          

Ende stá la filada

 

La giente bien trabalha i faç todo, nun sei cumo hai ls que dízen que nó.  You solo scribo l que beio i ye berdade

sinto-me: bem
música: Roberto Leal
tags:
publicado por mirandum às 23:50
link do post | comentar | favorito
Quarta-feira, 3 de Outubro de 2007

LÍNGUA E CULTURA MIRANDESA

PARA QUE LA MEMÓRIA NUN ÇQUEÇA

Fui an 1987 que se fazírun las pormeiras jornadas de lhéngua i cultura mirandesas.

 

 

 

 

Nessas jornadas ampeçou-se por ler esta  poesie de J.Leite de Vasconcelos i you bou a screbir -la l mais possible cumo el l fizo. Esto de la anternete inda nun deixa poner ciertos acentos.

 

     Quien diriê q'antre 'ls matos èiriçados,

     Las Ourriêtas i 'ls rius d'esta tiêrra,

     Bibiê, cumo 'l chaguárço de la siêrra,

     Una lhêngua de sóuns tã bariádos?

 

     Mostre-se i fále-s' éssa lhêngua, filha

     D'un póbo que ten néilha 'l chóro i 'l cânto!

     Nada por çiêrto mus câutíba tânto

     Cumo la fórm'  ã que l'idéia brilha.

 

     Desgraciado d'aquél, q'abandunândo

     La patri' ã que naçiu, la casa i 'l uôrto,

     Tamien se squéçe de la fala! Quândo

     'L furdes bér, talbéç que stéia muôrto!

 

 

 

 

sinto-me: bem
música: silêncio
tags:
publicado por mirandum às 12:42
link do post | comentar | favorito

mais sobre mim

pesquisar

 

Agosto 2012

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
28
29
30
31


posts recentes

ANCONTRO DE BLOGUERS DE L...

ANCONTRO DE BLOGUERS DE L...

CUONTO DE NATAL

SENDIM - SINDINIX

A TRINDADE - FESTA DE FON...

ABRIL E MAIO

NO "DERBY" DO PLANALTO O ...

COISAS DA FEIRA

O JOGO DA MALHA - PL...

ARQUEOLOGIA - SENDIM

arquivos

Agosto 2012

Julho 2011

Maio 2009

Maio 2008

Abril 2008

Janeiro 2008

Dezembro 2007

Novembro 2007

Outubro 2007

Agosto 2007

Julho 2007

Junho 2007

Abril 2007

tags

almendra

bombeiros

coreografia

cultura

fariza

feiras

futebol

história de sendim

ibéricos

jogos tradicionais

jose luis almendra

miranda do douro

mirandés

mirandês

natal

património

pauliteiros

praino

romarias

sendim

tempo

viriato

todas as tags

links

estatisticas web

Estatisticas de visitas web gratis www.sandinus.blogs.sapo.pt
Ofertas de empleoSubastasAuctionsClasificadosGuía webCoches

contador de visitas

foroslibros atletismoparcelas y terrenosAnuncios Clasificadoscontadores
Estou no Blog.com.pt
blogs SAPO

subscrever feeds