Ua moneda de prata eibérica en Sendin
Un die fui a besitar ua eirmita acerca de Fariza, an Spanha, de l outro lado del riu Douro, delantre de Bilachana, i quedei admirado. La fiesta que fázen alhá, chaman-le la fiesta de ls Viriatos.
Muitos outores dízen que Viriato andube pur estes lados. Ten ua Státua an Çamora. Cierto ou nó, l que se puode dezir ye que giente amportante, de l sou tiempo, porqui passou. Se nó, cumo se splica que ne l termo de Sendin se ancuntrara ua moneda eibérica de prata?
La stória bai-se fazendo als poucos, i a las bezes, tenemos que ancontrar decumientos i saber liendas, ó tradiçones, que fágan la liaçon para tirar cunclusiones.
Dar-las a coincer ye un ampercípio para quin querga studar bien l assunto.
Pus quedai a saber, que ye cierto, que esto ye berdade. La tradición eijiste e la moneda tamien.(1)
(1)-Ber « Mem. Arq.- Hist. Do Distrito de Bragança » Tomo IX, pag. 477, por Francisco Manuel Alves.
amigos
www.agarramestespalos.blogspot.com
www.estoriasdaminhaterra.blogs.sapo.pt
www.frolesmirandesas.blogspot.com
www.nuobasdalpraino.blogspot.com